Otieno moro achiel, Okot mar saa ang’wen ne ywak. yamo mayom ne kutho, njiri ne wer, otit ne milore, ja andiwo moro bende ne kalo ka wero ‘Onge Onge!’
Oyudo ka ne abudho e dir agola gi dawa tok chiemo, dawa ne rambaka koro ne okasa gi mbaka.
Ne anyise ni dani saa to koro olewo we adhi aywe.
Dawa ne ogonya, ma en be odonjo e ode.
Ne aridora ot mwalo, ne awinjo ka ajony, ma a gora e pien ma a chako twaro.
<span;>Gimoro ne obwoga e wi nindo, chalo ma ng’ato ne ochikore piny. Ne amenyo ot gi toj sime, to ne ok aneno gimoro. Ne awinjo ka mbii moro goya ka gima jajuok ira, kendo yiere wiya ne chung’ ka yire paka mobwok, to mano ne ok obuoga kata matin.Ne aparo ma apenjora ni koso maembe mar dodo ema dipo ni olwar piny? Piyo-piyo ne achinyo taya mar M-kopa ma akawo okwajo mar hockey stick ma awuok godo oko mondo akwany maembe ka ng’ato pok okwongo na. Ne amenyo to ne ok aneno maembe kata achiel
Bang’ e ne achorora e tie chiel mondo aol pii ka pok adok e ot. To sama ne aolo pii, ne awinjo ka gimoro chapni e wii yien maduong’ ma ne nitie e tie chiel. Ne anenyo wii yien kod taya mondo ane ni to en ang’o. Gima ne aneno ne obuoga ma adwa gora piny. Ne achako amenyo kendo ma aneno ni en dhano, kendo nyako! Ne obet angewa! Kare gino lich ka wuon-go ong’awore e wii yien. Ne en nyako, kendo ne en duk sirith, e lwete ne omako chuk-mach ma otho, kare mana Jajuok manyako.
Ne apenje gi dwol ma piny ni, “in ng’a? Itimo ang’o ka? Lor piny piyo!” Ne olor, kendo ne amenye ma aneno chwech ne te, ma achako anego taya. Ne apo ka amulo yier, kod yier-wiye, kendo duto ne gin yier mayom ka yier-wii muindi. Thundene ne ochwopo ma ochiek. Ranyisi ni pok odhodho. Ne en jaber kendo chuny-chiemo ndii! Ne apenjora ni mae janeko, koso jambasi, kare Jajuok manyako majaber. Ne amako bade ma adonjo kode e ot. Ne onyisa gi duol ma ool, kendo gi luoro ni ,” asayi wuod wegi. kik itimna gima rach, ok ang’eyo kaka ayudora kaa, pod an wendo e gweng’ni.
ka pok aduoke, ne awinjo ka dawa yawo dho ode, ne ang’icho gi dirisa ma anene ka omenyo kund-dhok, ae-to ochako odok ot.
Bedo ne duk ne ayudo ka hinya, kendo denda ne chwakore. Ne akawo track sut mara ma amiye mondo orwak. Ne orwako kendo ne ondise maber ndii
Ne apenjo Jajuok manyako mondo olera nonde. Ne onyisa nying dala ma owuoke. en dala ma ang’eyo, kendo wuon dalano en thuon Jajuok. Ne ochako onyisa ni okonyo ga wayane ma chi jajuok uso e center.
Ne abedo e bad-sofa ma amiye kom mar plastic mondo obede gie buta, to ne odagi bet. Ne amako bade mondo akete obed e kom, ne awinjo ka dende tetni, Ne apo ka opodho kwoma ma okwaka, ma awinjo ka gima pacha lal.
Ok ang’eyo ni ne anindo dakika maromo nade, to ne abuok e nindo ma ayudo ka oonge. Ne amenyo ot te nyaka e bwo otanda kod bwo kombe, to ne ok anene. “Koso ne en lek?” Ne apenjora. Ne aneno thiwni manyilni (chain) ka oket e wi mesa. Ne awuok oko ma odok e tiend yath ma amenyo to ne ok ayude.
Ne adok ei ot ma akawo thiwni machalo dhahabu ma ne oweyo.
Ne en kido maber, kendo chalo ma nengo ne tek.
“Ang’o omiyo oweyo thiwni?” Ne awuro, “kata kamano ok rach,
En bende odhi gi track suda, Truck sut ma ang’iewo mana gi jo Jumia siling aluf gi mia abich.’ Ne ang’iyo saa ma ayudo ni odong’ dakika 12 orom saa 5: am. Sama ne pod aparora, Ne awinjo ka dawa temo chiewa. Ne okok ni, “Nyakwara,,pod inindo wuod Obiero thuon ratego ka kwar mare?” Ne aduoke ni, “ooyo, dacha. Ase chew.” Ne ochako onyisa ni, “Kare ka wang’ piny ose yawore, to inyiedh, iter dhok gi diek e tiang’, ae ikaw kwer ma duong’ manyien cha mondo iluwo godo Siholo e tie-nam.” Ne aduoke ni, “kamano dani.”
Ne abedo ekom ka pod apenjora.
Jajuok Manyako Majaber oira chuth koso?
Oweya ka chunya rama gi hera,
Ne ok apenje kata nyinge,
Ne ok akwaye kata number sime,
Ne ok apenje nying dalagi,
Koro to achako manye kure?
Adwrao Jajuok Manyako Majaber
Nyaka to many Jajuok Majaber Manyako”.
Baaaas! Sache go ne aduogo aparo ni ne onyisa ni okonyo waygi uso!
Ang’eyo dukni tee ma ni e senta!
Paro no ne omiya teko, kendo ne achikra malo gi yilo.
Aduaro jajuoga, jajuok manyako majaber.
Ne awuok oko ma adhi tieko tije mane dawa oweyo na.
Dhiang’ ne yuak, to roya bende yuak,
Ne akuongo anyiedho kas to atero gi etiang’, diek bende ne agonyo ma atero e chiel.
Ne ok ametho, ne akawo sabun, tawlo gi suthru mar luok, aye awuok ka areto ka a chomo puodho Siholo tie nam ndhoya ir dawa.
Ne achopo ma anyiso dawa,
“dani, wang’ ok da konyi doyo, ne achiew ka denda ojony”,
En be ne oduoka,
” Oyoo, Wuod Nyager Oloro Bade Dongo ma okew Jo mwache, del ma ojony ok ked godo, ka ijony, to dog adoga pacho iywe.
Ne awuok ma adhi kawo wath, bang’ chopo, ne ayudo ja libamba ma osiepa ma nyinge Okech Gangla Nyakwar Okech wang’e dongo pirgoli ka luoko Apiko ne ma beche tek, ne en kido mar apiko ma mor matek ma ka iriembo, to lweti ing’awo malo mana ka ong’er ma idho yath.
Ne owuoro wuoth ma ne an godo okinyi ma okela luok, to ka pok ne aduoke, ne okuongo nyisa ni oikore mar dhi town otim ariyo adek.
Kanyo ema anbe akwaye ni omiya lift adhi atit tika ka saa date na gi Jajuok Manyako Majaber pok ochopo.
Town ne wachopo saa ang’wen, tok tieko gima ne oterowa ne waduogo saa abiryo.
Gangla ne okowa dala ma oweya, kas to onyisa abi amanye wamadhi Jack Daniels.
Ne achako ikra ne date wa gi jajuok majaber,
Ne akuongo arudo laka, kas to aruako longa mar jeans ma mbulu ma nyaka ne ang’iew, pok ne oluok gi pii, atere ga mana e dry cleaning.
Tisat ne en polo neck ma gray, gi bude ga mag ombembo (caterpillar boots), ne agoyo perfume e yuotha both ka tieko e chupa kas to asoyo thiwni ne eyi ofuko na.
Ne awuok ma aidho apiko e tok dalawa nyaka senta.
Ne achopo senta kas to achako menyo e dukni ma ok alony gi wegi, ne adonjo e duka ma okuongo, ayudo ka jaduong’ yuayo puga, ne amose to ok oduoka, chalo ma gino ne osemako patwiye, ne koro awuok awuoka,
Duka machielo, ne koro ang’icho gi chien chien.
Ne achopo salund yuora moro, salunde no otenore gi duk chips gi gweno, to soda gi wine and spirits bende iwuse, ne en joint na ma aja ‘take away,
To ka pok ne aparo mar donjo, ne awinjo duol moro ma ong’ere na ka wuok kar soda!
Duond nyadendi ma kata ka pok inene gi wang’i, to iwinjo mana ka ise fall!
Duol ma lombo ka nyandolo.
Adundo na ne ochako gocho matek,
Kara hera nyalo neko jowadu!
Lwetega ne tetni, ne achalo jatuo akori nya Jo China, ne ago wang’a kar uso soda, wang’a ne omako jajuok Majaber Manyako, jajuaga ma nyo oira gotieno.
Ne awacho gi chunya ni ka iseolo pi luok, to luokri aluoka kata piny ngich.
Ne achoko chir ma adonjo ei duka, , ne odich oyao ne customers soda,
Kit ruakrok ne koro onega chuth,
Ne orwako long jeans ma dark grey ma oyuaye ka high waist, kendo ne ogole maber ma pok aduaro ayudo, Huda Monroe go to ang’o? blouse ne en marachar marieny, wuoch to ne beyo ma pok to ayudo gima pimo godo.
Ka ne ogo wang’e kuoma, ne obwok ma odwa luaro chup soda piny,
Ne oweyo gik ma ne otimo ma obiro mosa, ne omiya hug makata minwa ma ne onyuola pok ne omiya, ne awinjo ka ase feint, wenge duto ne olokore rango wa, ne omako bada ma onyisa kar bet, ne awinjo ka ng’ato ma ong’eya kuotho, “kara nyakwar Paulina ni e woun go? Kara Jo moko ong’e yiero”,
Ne anyiero gi chunya ka awacho, ” “Maa Jajuaga Majaber Manyako, gi kiya akiaya”,
PART 3
DISCLAIMER: This is a work of fiction. Names, images characters, places, and incidents are products of my imagination and are used fictitiously. Any resemblance to actual events or locales or persons is entirely coincidental
