Dani moro mawuok Alego Kaleny-juok nyocha ochiko ma omako jajuok e dalane.
Dani ni endi ma chon ne thietho, to tinde ne owe yiend-bungu gi chiko ndagla ma omako Yesu, nyocha ne ojok ma oketo muma e wi kabat ma odok e yien.
Ne otimo mano mondo omak jajuok mane tame nindo otieno dalane.
Jajuogni ne gwaro kor ot gi mabat, oolo kuoyo, gi kuodho matek e dho-ot.
Otieno no endo bang’ dani loso dala, jajuok ne odhi ido dalane ma kane chopo saa ne mar wuok, wuok ne otame ma ochako rundore e dala duk gi boxer kod chuk-mach e agulu gi paka marateng’ tii.
Dani ne ochiew saa 5am ma onene to ok owuoyo kode. Ne okawo kwer ma oketo e goke ma onyiso chi wuode ni oluwe e puodho to kik luw malo, kata wuoyo kode, to ong’ad kor chiel.
Piny ne oyawore ne jajuok ka dani. Jajuok ne obuko timo usafi e dala dani. Ne obeto lum, ma oywe laro ma ochengo chiel nyaka saa 10am sama dani ne odok dala mogonye ka penje ni, Agabitus, kara in ema ithaga dalaka? Dhiyo to kik ichak.
PENJO – Be en adier ni ka idwa mako jajuok to icham kuon mang’ich otieno?
