Ka iwuok ni idhi e kanisa lamo Nyasaye, to chomri tir gi lamo.
Sero mon kik teri e od lamo, kata kamano muma wacho ni dhako maber Nyasaye ema kelo.
Jago moro ose bedo ka dhi lemo e kanisa moro mong’ere. Ei kanisa no, ne ni nitie nyako moro mane olombo wang’e. Ne en nyako ma jaber ka nyar Murab. Nyako mothicho yiwe ka Adhiambo Nya Ramogi.
Nyako ni endi ema lead praise and worship to wer lelo ka malaika! En gi duol ma tucho chogo ma chop e ondhundho.
Jago ni ose bedo ka muonyo olaw ne nyako ni, kendo ne ok obare lemo Jumapil, nyaka chieng’ tich adek mar mid week prayers.
Jumapil moro bang’ lemo sama ji timo fellowship kata lalruok, jagoni ne ochomo nyako ni ma omose ma gi chako goyo mbaka. Ei mbaka kae ne onyiso nyako-ni, ni ase lemo ka akwayo Ruoth mondo onen-na, to Ruoth nyocha ofwenyore na ma onyisa ni in e ng’etna!
Nyako ne onyiero mopenje ni,adier? Jagono oduoke ni adier.
Nyako ne ochako onyise ni Ruoth Nyasaye ok riambi ng’ang’. To ka nyocha owuoyo Kodi monyisi ni an e ng’etni, to an gadier ni nyocha owuondi nikeche ineno mubaba mobedo e boot mar gari cha, macha e chuora to mae lweta ni, e tere mar arus. Pole ndugu.
Ndugu pok odok e kanisa no nyaka chieng’ kawuono. Kata in didogi?
