Ochieng’-Maleria ne koro ose bedo jakuo, kendo ne ochando min mare gi kes e dala. Min mare ne o’ol kode ma oore mondo odhi odag e boma gi Adele ma omin mare ma en apisa mar DCI.
Ochieng’Maleria ne ochopo ma Adele orwake maber. Adele ne nigi dhako kod nyithindo ariyo, to ne gi onge gi dhi limo joka negi.
Bang’ juma, Adele ne otero Ochieng’ Maleria e garage mondo opuonjre wiring’, kendo ne ochomore gi Course ma ne ok ochendi.
Ochieng’ ne oyudore gi ja skunde Moro ma be ne jakuo ma ne ong’ere ni Kauzi jakoto. Kauzi ni, ne olony e turo kiful mag box e skul.
Ne onyiso Ochieng’ ni otiyo tij watchman e od lamo mar Waindi. Ne ochako otudo Ochieng’ gi osiepene Moro ma ja apiko ma ong’ere ni getaway-man.
Osiep ne obedo motegno ma gi chako pango mra. Chieng’ tich abich moro Kauzi ne onyiso Ochieng’ ni nitie Muindi ma wuon Security firm motiye, to en gi pesa e Temple kama orito. Muindi no ni gi Tim mar dhi lamo ne pesa ka pok ochulo jotich, to chieng’ wuok-tich odhi chulo askeche.
Ne olero ne Ochieng’ ni police ma kowe ga e office, biro ga saa ang’wen ma ka gi nyalo yudo bunde, to pesa go mekgi.
Ochieng’ ne onyiso Kauzi ni obed ka oikore odhi manyo yor bunde.
Chieng’ Ngeso kar saa 10,am, Adele ne owuok ma odhi mer e bar mar Police Mess ma oweyo Ochieng’ ka neno movie. Ochieng’ ne oyudo thuolo ma odonjo e bedroom ma okawo bunde e briefcase, ma oweyo briefcase e wii otanda.
Ne ogo ne Adele simu ni owuok matin, ma onyise nyaka kuma oweye kifungu. Kata kamano, ne ok odiyo kiful, ne orindo mana pata ma odhi gi kiful.
Adele ne ometho gi obila wetene ma nyaka saa 11pm. Bang’e ne odok ot. Ne oyudo ka Ochieng’ pok oduogo.
Ne okawo kifungu, to kane otemo yawo dho ot, ne ok oyudo kiful! Ne odonjo e ot ma omoko taya, gik moko ne ni kare. Ne odhi e bedroom ma obuok bang’ yudo briefcase mar bunde ka oyawore to bunde onge. Nee otemo goyo ne Ochieng’ simu, to simb Ochieng’ ne ywak Mana ei ot kanyo. Ochieng’ ne oweyo simu.
Piyo-piyo Adele ne oringo e stesen ma ogo ripot ni okwal mudola ne mar cesca e ot. Kaka nee owuoyo komer, askeche ne onyise odhi oywe kong’o orum e wang’e mondi. Adele ne odok ot to ne ok onindo otieno no. Kane piny ruu, chieng’ jumapil, ne ogo ne min mare simu kowacho ni Ochieng’ Maleria olal nono, to bunde ne mar tich ok one!
Min ne oduoke ni , ” Omera Adele gimoro kotimo choka no, ma Maleria okew gi Jo Alego Kabura Wangadia jokuoge dhok, to kata in Kik inyon dala ka. Manyna nyathina”.
Chieng’wuok-tich ne ochung Adele tich ka nonro dhi nyime. Ne odok ka okia ni ochak gi mane. Omany owadgi koso bunde? Ne otemo penjo jirende ka dipo ni ng’ato ne odonjo ot bang’ owadgi wuok, to onge ng’ama ne oneno ng’ato.
Kar saa 12, pm ne oyudo simu kowuok e crime office ka inyise ni o report e office piyo-piyo. Ne odhi ng’wech ma oyudo ka Subaru margi orite modonjo. Nee onyise ni kuo Moro otimore, ema GI dhi nono. Ne giyudo wach kuom Muindi ni jokuoge adek ma orwako abuog-rombe, ma omanore gi musdola, to nigi apiko maonge number, ne omaye Sh3.8M. kata kamano ne ok gi hinyo ng’ato kata muocho bunde.
Chieng’ tich ariyo ka Adele ne yweyo ot mos, ne opo ka Ochieng’ Maleria ochopo kod shopping gi bag e toke.
Kata ka Adele pok openje kuma ne odhiye, Ochieng’ ne oketo gik mane oting’o piny, ma owuodho ne Adele bunde ne ma oketo ne wi mesa kowacho ni mwandu ni ero aduoko, sani koro ase nyiewo mara.
Adele ne openje ni, wuod mama, ma e direction ma iramo ni iluwo? Be ing’eyo ni both kochunga tich nee bunde ni? Ochieng’ ne ok oduoke, to ne oyawo bag ma ogolo pesa ma okwano ne Adele bandli mag node ma duto tee Romo Sh500,000! Bang’e ne ogolo msinga mar JD, kong’o ma Adele ohero ga, ma oketo e will mesa.
Ka in Adele ditim nang’o, imak owadu nikeche ise yudo achich mar money heist, koso ikaw pesa imuoch misinga sherehe odhi mbele? To be continued…
DISCLAIMER: This is a work of fiction. Names, images characters, places, and incidents are products of my imagination and are used fictitiously. Any resemblance to actual events or locales or persons is entirely coincidental.
